150                                                   REGISTRES DU BUREAU                                               [1574]
CCXLII. — Idem O.
[Nouvelle Assemblée pour les .L. mil livres.]
3 février 1574. (Fol. 122 r°.)
Dd mercredi troisme Febvrier mil v° soixante qua­torze.
En Assemblée le jour d'huy faitte de rechef, au Bureau de l'Hostel de Ville, de M™ les Prevost des Marchans, Eschevins et Conseillers de lad. Ville, pour adviser sur les Lettres patentes du Roy, ob­tenues par M" du Clergé, pour l'exemption des cinquante mil livres tournois accordez au Roy de Poulongne, sont comparuz Messieurs :
le president Le Charron, Prevost des Marchans;
de Bragelongne, j
Le Jay,                  | Eschevins;
Perdrier,               )
Le Lievre,
de Palluau,
de Chomedey,
de Cressé,             \ Conseillers.
Aubry,
Abelly,
Vivien,
Après que les Sieurs Hallon et Foucquet, deputez du Clergé de France, sont comparuz en laditte As­semblée, lesquelz ont requis ledict Clergé estre exempté de la cotizalion desd. L. mil livres suivant les Lettres dudict Seigneur, dont ilz avoient cy devant presenté l'original et d'icelluy baillé coppie, et le­quel original ilz ont dict avoir rendu à leur seindic; et après lecture faitte de laditte coppie desdittes Lettres'2', a esté conclud, advisé et deliberé :
n Qu'il sera passé oultre à la levée de laditte somme de .l. mil livres, suivant les déliberations et reso­lutions des Assemblées generalles cy devant faittes pour cest effect, conformes aux Lettres patentes du Roy adressées à laditte Ville, données à Paris le vimo jour d'Aoust dernier passé'3', et selon les roolles cy­devant faictz et auparavant les Lettres d'exemption obtenues par icelluy Clergé et billetz de la cottiza-tion particuliere ja envoyez : attendu que lesdictz du Clergé sont domicilliés et habitans en cesteditte ville de Paris, et par tant contribuables audict don, suivant la teneur desdittes Lettres, par lesquelles Sa Majesté n'a reservé ny exempté aulcuns privilegiez de quelque qualité qu'ilz soient; aussy que lesdittes Lettres du Roy pour la pretendue exemption dudict Clergé n'ont esté présentées ny veriffiées es Cours souveraines de laditte Ville, et que la descharge du­dict Clergé ne pourroit estre que à la grande foulle et surcharge des autres habitans d'icelle, les coti-zations desquelz il fauldroit recharger et rehaulcer, qui sont ja commencées à lever et se lèvent chacun jour, tellement que le Conseil de la Ville est d'advis qu'à present on n'y peult aucunement toucher.
"Et où ledict Clergé feroit appeler la Ville pour laditte pretendue exemption, que trés humbles re­monstrances seront faittes au Roy ad ce qu'il luy plaise descharger laditte Ville de la somme à quoy se trouvera monter la cotization faitte sur ledict Clergé, ou bien qu'ilz paieront leurs cotizations, nonobstant leursdittes Lettres, v
CCXLIII. — [Injonction aux] Capitaines.
3 février 1574. (Fol. 122 v°.)
Ce jour d'huy, troisiesme jour de Febvrier m vc soixante quatorze, ont esté mandez et sont venuz au Bureau de la Ville de Paris les Cappitaines de la-
ditte Ville; en la presence desquelz ou de la plus grande partie d'iceulx, a esté leue une Lettre mis­sive du Roy donnée à S'Germain en Laie le deuxiesme
C Dans le Registre, cet article suit immédiatement celui qui porte le numéro ci-dessus CCXXXVII, ce qui explique le maintien de la rubrique Idem en tête de l'article CCXLII.
(-) Voir la note de la page 144 , d'après la teneur de laquelle il semble que les lettres d'exemption auraient été imprimées par les soins du syndic du Clergé.
(3) Ces lettres ne figurent pas au Registre, bien qu'elles aient donné lieu, peu après leur réception, à la convocation de trois As­semblées de Ville pour délibérer à leur sujet. La première se tint le 22 août et les deux autres les 2 et 4 septembre; voir ci-dessus, art. CLXXXII, SS 35, 45 et 47. — La solution de l'affaire, remise après l'entrée'du roi de Pologne, traîna en longueur; voir prin­cipalement les articles CCXIII à CCXX et CCXXVIII.